Cara Mudah Menjadi Pembicara /MC di
Pernikahan & Kematian, (Atur Pambagya Hargya, Pasrah Manten, Terima
Temanten, Mangayu Bagya, Asung Bela Sungkawa dll )
TULADHA SAPALA
1.
Tuladha Sapala menika namung kangge
ancer-ancer mbok bilih wonten para-para ingkang kersa nampi jejibahan talanging
atur/basa bab : Ing Pahargyan Manten saha Ing Kasripahan
2.
Pramila kula ngracik Tuladha Sapala punika ,
dhumateng sok sintena ingkang kersa nguri-uri
Basa Jawi, punika sampun saget kangge ancer-ancer minangka talanging Basa,
panci Tuladha Sapala kadamel kanthi ringkes ( Palur, 26 Nov 2005, Radjiman Rososumanto)
ATUR PAMBAGYA HARGYA
Pokoking
Atur :
1. Uluk
Salam
2. Minangka
Talang Atur
3. Manembrama
4. Wigatining
Pahargyan
5. Atur
Panuwun
6. Nyuwun
Pangapunten
7. Pangajabing
Kang Mengku Karsa
1. Kawula nuwun, para pinisepuh ingkang tuhu
lumbering kawruh, para pepundhen ingkang
dahat kinabekten, para pangembating praja ingkang pantes sinudarsana, para rawuh kakung
putri ingkang tuhu mahambeg ing budi, Assalamualaikum WrWb
…../Syallom……, Kasugengan , katentreman miwah karahayon awit sih wilasanipun
Gusti , mugi tansah kasarira sagunging para mahargya.
2. Ing
kalodhangan punika, panjenenganipun
Bp/Ibu …………………………… (ingkang mengku Gati) nguningani lumbering para tamu,
mboten kuwawa matur pribadi, pramila miji badan kawula, minangka talanging
basa/atur.
3. Para
rawuh, kebaking trapsila ingkang hamengku karsa, ngaturaken pambagya hargya
sugeng rawuh,manembrama karawuhan panjenenganipun para tamu kakung putri
ingkang dahat lumbering budi.
Saha ngaturaken agunging panuwun , dene para-para ingkang sampun
kepareng rawuh , kasdu nyisihaken wekdal, nglonggaraken panggalih, saperlu
ngestreni pawiwahan ing titi wanci …(siang)… punika.
4. Panjeneganipun
Bp/Ibu ……………………………, nuhoni darmaning asepuh, kepareng angentas atmaja siwi,
putri kinasih sinambating wangi, sesilihipun
Rara………………… badhe jinatu krami dening
Bagus …………………………. Putranipun Bp/Ibu ………………. Ingkang pidalem ing
………………………… Linambaran ati suci badhe
lelumban ing madyaning bebrayan ageng ,
saha sampun sah Tataning
Pamarintah, sampun kalampahan ijab Kabul ( Daup Suci) nalika dinten piniji ………….. Surya
kaping………….., Pangestunipun para
pinisepuh wilujeng mboten wonten alangan satunggal punapa.
5. Panjeneganipun
Bp/Ibu …………………… ngaturaken agunging
panuwun ingkang tanpa upami dhumateng sih kadarman, saestu saget ngenthengaken
sesanggan anggenipun hamengku gati. Ugi
mboten kesupen dhumateng para-para ingkang sampun mbantu karya, semanten ugi
para krida mudha ingkang kajibah dados pramuladi. Sedaya sih kadarmanipun , mugi-mugi pikantuk
leliru ingkang satraju saking Pangeran ingkang Maha Wikan.
6. Panjenenganipun
para rawuh kakung putri ingkang sampun kepareng lenggah sami, sanadyan to
pahargyan punika sampun karantam karacik dangu saderengipun , anaging
dumugining data , taksih kathah cewet lang kekiranganipun, semanten ugi mbok
bilih para panitia , para pramuladi wonten kiranging subasita, semanten
ugi anggenipun nglenggahaken para tamu
mboten jumbuh kaliyan kalenggahanipun , ingkang ndadosaken kirang renaning
panggalih , kawula ingkang nyuwunaken agunging samudra pangaksami.
7. Para
pinisepuh saha para rawuh, kanthi andhap asor panyuwunipun ingkang hamengku
karsa, Inggih panjenenganipun Bp/Ibu ……………………..
nyuwun puja pangestu, mugi-mugi putra ingkang badhe lelumban ing
bebrayan ageng ing benjang tansaha gina wonten ing masyarakat, minggahipun gina
tumrap Nusa lan Bangsa ugi Agama.
Sepisan malih nyuwun donganipun para rawuh,
keparenga lelenggahan kanthi merdikaning panggalih sinambi ngrahapi
pasugatan-pasugatan ingkang sampun lumados ngantos saparipurnaning pahargyan.
Saparipurnaning pawiwahan punika, ingkang
hamengku karsa amung saget ngaturaken sugeng kondur mugi kalisa ing sangsaya.
Mbok menawi amung semanten atur kawula, ugi
mbok bilih wonten galap gangsuling atur , kula pribadi nyuwun sih samodra
pangaksama.
Minagka panutuping atur, Wabilahi tofiq
wal………WrWb, kanthi sesanti : Rahayu ingkang sami pinanggih, winantu ing
suka rena. Matur
Nuwun
Tidak ada komentar:
Posting Komentar