TRAH ATMOSUKARTAN
(macapat
: DHANDANG-GULA)
1.. Kang ngempal ing dinten punika, yeku trah Atmosukartan,,
engkang saking dukuh
Saren, nenggih eyang wus surut,
sareyane ing Wonosari,
mila putra lan wayah, sarta para buyut, ugi nganti tekeng canggah ,
datan lali mula
bukane dumadi, marang leluhurira.
2. Putra mbareb Supadmo kang nami, ongko kalih awasta
Sulomo,
Supardi kang ketelune, kaping sekawanipun, mios putrid nama Supadmi,
putri kang ongko
gangsal Suparmi aranipun, sedaya sampun
gumrayah,
darbe teturun putra
lan putri , ugi buyut lan wayah.
3. Para wayah tamtu tansah eling, sejatine trah
Atmosukartan,
lumantar ing sudarmane, ngantya tekeng mbesuk, tan-kalepyan
mula dumadi,
wajibing bekti darma, myang leluhuripun, nadyan nandang papa
rena,
ing pakarti amung
tansah ngaji-aji, maring wong tuwanira.
4. Di lestari paguyuban niki, angraketake balung apisah,
nadyan wus neng ngendhi bae, den bisa nyisih wektu,
amrih katam siji lan
siji,iku putrane sapa, ketemu sedulur, kanthi lestari kempalan,
tamtu sami raket
lahir trusing batin, karana tinggaling trah.
5. Paguyuban ngrembaka-a dadi, den terusna wayah buyut
canggah,
hawya pegat salawase,
tansah panggih sedulur,asal mula tunggal sawiji,
Trah Atmosukartan, ja ana kang kantun, eling mula bukanira,
amung eyang
Atmosukarto pinundhi, yeku leluhur kita.
6. Rahayu-a pepanggihan niki, wilasaning kang Kawasa,
lenging manah hwya kelalen, wajib atur suka sukur, konjuk
Gusti Kang Maha Asih,
kang tansah paring
rahmad, mring kawulanipun, manungsa among saderma,
naming kedah nyenyuwun rina lan wengi, amrih mulya widada.
(Karipta titi mangsa :20 Maret 1989, Saking : Radjiman
Rososumanto, putra mantu
Bpk.Supadmo Padmodihardjo)
Nyuwun Kawigatosan :
Prentuling manah pangripta damel rerepen DHANDANGGULA punika
pangajab :
1.
Para kaneman kersa-a nampi /nguri-uri Kabudaya Jawi ingkang satuhu
Adi Luhung
2.
Para wayah , buyut, canggah lan salajengipun
mangertosi asal usulipun,
sinten-ta eyang Atmosukarta punika
3.
Para Pinisepuh kersa-a tansah pairng sesuluh
dhumateng para putra wayah,
buyut lan salajengipun bab trah Atmosukartan.
Tidak ada komentar:
Posting Komentar